Hreinar snyrtivörur
Við leggjum mikið upp úr því að framleiða hreinar náttúrulegar vörur sem eru fæða fyrir húðina og í sátt við náttúruna.
Fáðu náttúrulegan gljáa
Gefðu húðinni gljáa með handtíndu sortulyngi, sem er náttúrulegur birtugjafi fyrir húðina og er í öllum okkar vörum. Hentar öllum húðtegundum.
Okkar loforð
Við notum aðeins hreinar og náttúrulegar hágæða hrávörur sem fáanlegar eru. Við trúum því að húðvörur ættu að vera náttúrulegar og notum aldrei efni sem gætu verið skaðleg manni né náttúru. Við endurnýtum og höldum plastnotkun og umbúðum í lágmarki til að vernda náttúruna.
Hrein innihaldsefni
Framleitt á Íslandi með fersku íslensku vatni, villtum íslenskum jurtum og vandlega völdum lífrænum ilmkjarna olíum. Við notum aðeins hráefni sem samþykkt eru af Ecocert. Við hugsum um náttúruna í gegnum allt framleiðsluferlið og gerum okkar allra besta til að vinna í sátt við hana.
Vörurnar okkar eru svo hreinar og mildar að þú gætir borðað þær (en við lofum ekki að þær bragðist vel).
Um Sóley
Konan að baki Sóley húðsnyrtivörum er Sóley Elíasdóttir, en hún starfaði áður sem farsæl leikkona til fjölda ára. Sóley á ekki langt að sækja áhugann og þekkinguna á íslenskum lækningajurtum, því að baki henni standa margir ættliðir grasalækna og nokkrir þeirra hafa orðið meðal þekktustu alþýðuhetja á Íslandi.